Madrileko Espacio Minimo galeriarekin lan egiten du azkenaldian bergararrak eta aurten ere haren bitartez dago Arcon. Aurten, halere, bada berritasun nabarmentzeko bat: Muniategiandikotxeak, eta Espacio Minimo galeriako gainerako artistek, ez dituzte euren lanak Arcon erakutsiko, hau da, artelanak ez dira Espacio Minimok Arcon duen erakustokian egongo. Horren ordez, bideo bat jarriko dute ikusgai, pantaila handian, eta Madrilen Espacio Minimok daukan galeriara gonbidatuko dituzte Arcoko bisitariak, artelanak bertatik bertara ikustera. Zelanbait esatearren, ikus-entzunezkoa eta feria bera, galeriarako amu bezala erabiliko dute
215 galeria
Arco feriak gaur irekiko ditu ateak. Atzo zabaldu zuten gonbidatuendako bakarrik. Eta gaurtik domekara bitartean, publiko ororendako izango da zabalik. Ifema erakustokian. Antolatzen den 31. urtea da aurtengoa. Nazioarteko 300 bildumazaleren lanak izango dira ikusgai eta erosgai. 29 herrialde ezberdin eta 215 galeria.
Antoni Tápies artista kataluniar hil berria da aurtengo izarretako bat. Muniategiandikoetxearendako 12 urtea izango da aurtengoa.