Pirinioetarako irteerari dagokionez, zapatuan, Brecha Arnales aldera eta, domekan, Pico de Las Escuelasera egitea aurreikusi dute. Halere, eguraldiak, elurrak bereziki, irteera baldintza dezake. Hori dela-eta, batzar bat deitu dute otsailaren 22rako, eguaztenerako (eta ez martitzenerako, besteetan moduan). 19:00etan izango da hori.
Irteera hau astebete atzeratu dute, Aratusteak direla-eta.
Bestalde, beteranoen irteera, otsailaren 26an izango da, Lizarra-Otzabio-Alegira. Goizerako irteera da. Autobusa, 08:00etan, Udal Pilotalekuaren aurrealdean egongo da. Irteera honetarako txartelak bulegoan eskura daitezke.