Euskal Herrian eta Espainian hainbat jaialditan jo duen taldea da. Baina horrez gain, Europa aldean ere ibili da taldea: Holandan, Frantzian eta Alemanian, besteak beste.
'Shakin the Hood' diskoa
Shakin the Hood disko berria aurkeztuko du taldeak Tartufon. Diskoak jazz funk oinarria dauka, baina beste soinu batzuei irekita dago. Lan fresko, zuzena eta zabala da. Hala, entzuleak soul oihartzunak, zertzelada psikodelikoak, blues-paisaiak eta acid jazz ukituak entzun ditzake abesti berrietan, dena rock ukituarekin. Abesti guztiak taldeak idatziak dira, bi izan ezik: Jimi Hendrixen Crosstown Traffic abestia eta Deep Down Inside soul samurra –Roberto Sanchezekin batera egindakoa.