Lehenengo ikastaroan, bizikleta konponketa basikoa landuko dute. Bizikletan nor bere kabuz ibiltzeko gai izateko gutxieneko ezagutzak emango dituzte.
Bigarrena, berriz, martxoaren 13tik 15era bitartean izango da eta bertan landuko dute GPSaren erabilera ordenagailuan. Hori erabiltzen jakiteak asko laguntzen du ziklistak ezagutzen ez dituen tokietan lasai ibiltzeko.
Bada, edozein herritarri daude zuzenduta bi ikastaro horiek eta izena ematen dutenek 15 euro ordaindu beharko dituzte. Ikastaroak Irizar jauregian izango dira, 19:00etatik 21:00etara, hain zuzen ere.
Hitzaldiak
Hirugarren astean, bizikleta bidaiei buruzko hainbat hitzaldi egingo dituzte. Martxoaren 20an, Serbia eta Montenegro 2008ri buruz egingo dute berba Edu Morenok eta Iker Osak; 21ean, Frankfurt-Varsovia 2011 izango
dute hizpide Estebe Olartuak eta Aitor Gabilondok; 22an, 100Milla2007-2011 izeneko hitzaldia egingo dute; eta azkena 23an izango da, Ulambaatar-etik Beijing-era 2009, eta Edu Morenok, Ander Garitanok eta Iker Osak egingo dute. Edonor joan daiteke horietara eta Irizar jauregian izango dira, 19:00etan.
Gorlako igoerarekin, bukaera
Martxoaren 24an, zapatuan, haurrendako ekintzak egingo dituzte eta hurrengo egunean Gorlako igoera jokatuko da afzionatu mailakoekin.