Lau t'erdiko Soraluce Txapelketaren barruan, final zortzireneko bi partidu jokatuko dira gaur Udal Pilotalekuan. Lehenbizikoan Urbieta eta Elezkano I.a izango dira aurrez aurre. Jarraian Ander Muguruza bergararrak eta Larrañagak neurtuko dituzte indarrak. Jaialdia 19:30ean hasiko da.
Aurreko astean Eneko Muguruza txapelketatik kanpo geratu zen. Bergararrak 22-21 galdu zuen Otamendiren aurka eta beste kanporaketan Bilbaok egin zuen aurrera, Olaetxeari 22-13 irabazi ondoren.
Gaur, esan bezala, beste bi partidu jokatuko dira Udal Pilotalekuan, 19:30ean hasita. Muguruzak herriko pilota zaleen babesa izango du. Giro polita izaten da martitzenero Udal Pilotalekuan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.