Herrizaingo sailak aditzera eman duenez, herritar batek ohartarazi zien ertzainei eguaztenean, 10:30ak inguruan, gizonezko bat lapurtzen egon zitekeela Bergarako Zaharren etxean, Boni Laskurain kalean. Ertzainak, abisua jaso eta Zaharren etxera gerturatu zirenean, gizonezkoa hanka egiten saiatu zen, baina berehala harrapatu zuten.
Mailu batekin kristala apurtu
Dirudienez, gizonezko susmagarriak mailu bat erabili zuen kristala apurtu eta Zaharren etxera sartzeko. Atxilotuak txanponak eta banku bateko segurtasunezko giltza zeramatzan. Horretaz gain, Kenwood markako irrati-kasete baten karatula ere antzeman zioten.
Ertzainek ziurtatu ahal izan zuten Aitziturri kalean zegoen Fiat Bravo auto batetik ostutakoa zela irrati-kaseteko karatula, autoari leihotxoa apurtuta lapurtu zuena.