Denak adi-adi eta zur eta lur egon ziren, hark esaten zuena entzun eta ondoren praktikan ipintzen. "Ezin da instrumentu bat jotzen ikasi bi ordutan, baina gaur ikasi dituzten oinarrizko teknikak praktikatuz, aurrerapen handiak egin ahalko dituzte. Didgeriddoa ez da instrumentu konplikatu bat" zioen Nikolaik ikastaroaren bukaeran. "Esan behar dut, gainera, nik bi urtetan ikasi nuena gaur hemen egon direnek bi ordutan ikasi dutela. Nik ez nuen irakaslerik izan, inork ez zuelako garai hartan instrumentua ezagutzen" gaineratu zuen.
Bergarako gaztetxean didgeridoo ikastaroa egin zuten zapatu arratsaldean. Iban Nikolai oiartzuarrak eman zuen ikastaroa eta 15 lagun inguru elkartu ziren. Nikolai, egun Euskal Herrian haizezko instrumentu honetaz gehien dakien pertsona da –zerbaitegatik da bera didgeridooarekin kontzertuak ematen dituen bakarrenetarikoa– eta hori igarri zen ikastaroak iraun zituen bi ordutan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak