Martxoko bilera horren aurretik baina, Udaleko ordezkariak eta Diputazioak batuko dira, permutaren xehetasunak aztertzeko. Tartean, Arrizuriagan egin beharreko egokitzapen lanak mahai gainean izango dira. Jesus Elortza alkateak adierazi digunez, "alde guztien arteko borondate akordioaren aldekoa da, baina gero eta kaskarragoa da egoera ekonomikoa eta aurreikuspenak ere ez dira batera onak". Honekin lotuta, Haziendak 2011rako aurreratutako 51 milioi euroren itzultzea eskatu die Diputazioak Gipuzkoako udalei hasierako aurreikuspenak ez direlako bete.
Aspaldiko nahia
Zeresan ugari eman du permutaren gaiak, eta Bildu Diputaziora iritsi zenetik gauzak dezente argitu omen dira. Permuta gauzatuko balitz, Udala izango litzateke Seminarioaren jabe berria. Besteak beste, museoa jasoko luke eraikinak. Etorkizunera begira, museoa da proiektu izarra , plan estrategikoan jasotzen denez. Arrizuriaga, berriz, UNEDeko patronatuaren esku utziko luke Udalak.