San Anton auzoan ohitura den bezala, aurten ere ospatu dute San Anton eguna. Auzotar eta herritar ugari gerturatu dira goizeko mezara, eta horren ostean, auzotarrek gertatutako salda eta txorizoa dastatzeko aukera izan dute bertaratutakoek. Beste behin, giro ederrean ospatu dute eguna.
Animalien zaindarien eguna da gaur eta horixe ospatu dute San Antoneko auzotarrek eta ermitara bertaratu diren gainontzeko herritarrek. Hala ere, ohitura pixkanaka-pixkanaka galduz doala azaldu digute bertaratutakoek. Izan ere, garai batean animali eta guzti joaten ziren ermitara gaurko egunez. Orain, baina, ez da hala izaten.
Dena dela, auzotarrek ez dituzte ohitura "onak" galdu nahi eta aurten ere ez dira falta izan goizeko meza eta mokadutxoa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.