Bulego Judizial Berriak antolamendu eredu berria eta teknologia berrien ezarpena ekarriko du atzetik; "Horiek osatzen dute XXI. mendeko Justiziaren abiadura handiko trena, eta Euskadik garaiz hartu du tren hori, herri baten oinarrizko zerbitzu publikoekin ez baitago jolas egiterik” adierazi du Idoia Mendia Justizia eta Herri Administrazioko sailburuak.
Erreformarekin hiru dira helburuak: batetik, epaitzeko eta epaitutakoa gauzatu arazteko jurisdikzio-zeregina erraztea; bestetik, idazkari judizialei erantzukizun berriak ezartzea; eta, hirugarrenik, organo judizialei, profesionalei, alderdiei eta herritarrei erantzuteko zerbitzu prozesal berriak sortzea. EAEko barruti judizialetan Justizia administrazioaren jarduerak homogeneizatzea da beste helburuetako bat. Barruti judizial txikiei dagokienez, Bergararen ostean, Tolosa eta Durangora iritsi da erreforma.