Orain epaimahaiak erabaki beharko du sariak nori eman. Urtero literatura eta kultura inguruko pertsona ezagunez osatuta egoten da epaimahaia eta aurten ere halaxe izango da. Andoni Tolosa, Oihane Perea, Peio Añorga eta pasa den urteko irabazle Idoia Galanek izango dute irabazleak aukeratzeko ardura. Horrez gain, epaimahai gaztea osatuko dute Aranzadi ikastolako Maialen Marauri eta Irantzu Casanellas ikasleek eta Ipintza institutuko Maitane Mujika eta Laura Axpek.
Sari banaketa beti bezala otsailaren 14an izango da, San Balentin egunean, kultura etxean 19:30ean.