Lurraldeko eta eskualdeko beste herri batzuetan bezala, Arrasaten edo Oñatin, esaterako, Bergaran ere sortu dute Zero Zabor taldea. Eguazten guztietan batzen dira Kultura Etxean. Batzar irekiak izaten dira eta edozein herritarri irekiak. Bestalde, lehen ekimen publiko bat iragarri dute, zaborren kudeaketaren gaineko berbaldia. Urtarrilaren 25ean izango da, 19:00etan, Irizar jauregian. Hizlari: Imanol Biain, Oñatiko Natur Eskolako bilogoa.
"Hondakinekin arazo bat dugula kontziente garen talde batek denbora daramagu gai potolo honen inguruan hausnartzen. Bergararrak arazo honen parte gara, baina zinez sinesten dugu konponbidean ere parte aktibo izango garela" diote.
Kontzientzia sortu, informazioa zabaldu eta hondakinen kudeaketa arduratsua bultzatzea helburu du Bergarako Zero Zabor taldeak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.