Izan ere, antolatzaileek diotenez, patinajea ez da patinak jarri eta alde batetik bestera ibiltzea bakarrik. Hainbat ariketa ezberdin daude eta horietako batzuk ezagutzeko aukera egon da gaur goizean Labegaraietako kantxan. Besteak beste, jauziak, balaztatzeak, zirkuitua eta hockey-an jokatzeko aukera izan dute bertaratu direnek.
Antolatzaileak pozik parte hartzearekin
Haur eta gaztetxoak izan dira nagusi goizean zehar, baina zenbait heldu eta guraso ere ikusi ditugu patinez gozatzen. Parte hartzearekin pozik zeuden antolatzaileak. Joxean Iñarra Hanka Labankako kideak egin digu goizak eman duenaren balorazioa.
Bergaran behintzat patinajea modan dagoela esan daiteke, beraz. Adituek diote kirol osatuenetako bat dela igeriketarekin batera, eta Hanka Labankakoek gonbidapena egiten diete herritarrei patinatzera. Hori bai, Iñarrak esandako moduan, behar diren babes neurriak hartuta.