Emakume bat erasotzearren gizon bat atxilotu dute

Jaurlaritzako Barne sailak jakitera eman duenez, ustez emakume bat erasotzearren 59 urteko gizon bat atxilotu zuten atzo Bergaran. Antza denez, emakumea kolpatu eta iraindu ondoren, haren txakurra eraman zuen erasotzaileak. Ertzaintzako iturrien arabera, zor bat kobratzeko intentzioarekin joan zen emakumearen etxera. Gertakariak atzo izan ziren, 16:30ak aldera, herri barruko etxe baten. Ustezko erasotzailea atxilotu ondoren, Ertzaintzak txakurra bueltatu zion emakumeari. Atxilotutako gizonak delitu aurrekariak dauzka.