Astean zehar, egunero, bilerak egin eta gero, enpresako zuzendaritzak eta langileen ordezkariek aurre-akordioa lortu zuten atzo, zapatua. Goizean heldu ziren adostasunera alde biak eta eguerdiko asanbladan aho batez onartu zuten langileek, ELA sindikatuko Patxi Zubizarretak kontatu digunez.
Hiru puntu jasotzen ditu aurre-akordioak:
- Zuzendaritzak eta langileen ordezkariek bilera bat egingo dute hilero, enpresaren egoera zein den ezagutu eta etor daitekeenaren jakitun izateko, denboraz. Urtarrilean eta otsailean lan berri batzuk lortzeko aukerak dituzte eta uda bitarteko aurreikuspenak onak dira.
- Datorren ekainera arteko nominak atzerapenik gabe jasoko dituzte, Gabonetako aparteko ordainsaria izan ezik; lau zatitan jasoko dute hori, abendutik martxora bitartean.
- Datorren urteko soldatetan KPIaren igoera bera izango dute eta gainerako dena orain arte moduan mantenduko da.