Herritar mordo batek hartu zuten parte zapatu arratsaldeko martxan. San Martin plazatik irtenda, Bad Sound System taldekoen musikaz lagunduta, herriko erdiguneko kaleetatik igaro ziren, plazan amaitzeko. Inguruko herrietako hainbat jendek ere hartu zuen parte Elkartasun Korrikan.
Esan bezala, korrika eginez salatu nahi izan zuten Madrilgo Auzitegi Nazionaletik deklaratzera joateko sei gazte horiek zitazioa jaso izana. Hurrengo ekimena Madrilera deklaratzera joango diren egunean egingo dute; elkarretaratzea izango da plazan, 12:00etan, eta bi orduko geldialdia eskoletan.