Ibaiondo pasealekuko zorua asfaltatu egin dute eta autoendako ibilbidea, oinezkoendako guneak eta aparkalekuak ondo bereizi dituzte. Toki ezberdinetan markatuta, 86 ibilgailu aparkatzeko tokia dago orain. Era berean, hainbat farola jarri dituzte iluntzetik aurrera argiztapen ona ziurtatzeko.
Matxiategiko haurren parketik Lasai Toki elkartera doan zatu horretan egin dituzte lanok. Auzotarren aspaldiko eskaera zen Ibaiondo ingurua txukuntzea.
Esan bezala, ekain aldera hasi zituzten lanok, 367.629 euroko aurrekontuarekin. Hasierako adjudikazioan aurreikusten ez ziren lan gehigarriak (ur hornidura lanak Aspace inguruan, telekomunikazio azpiegituraren instalazio berria eta beste) egin behar izan dituztela eta, 48.595 eurokoa onartu zuen udalbatzak irailean.