Bergarako Musika Eskolan gaur ospatuko dute Santa Zezilia, berez, musikarien zaindariaren eguna 22a izan arren. Hala, klaserik ez dute izango ikasgeletan, baina kalera aterako dira musikari gaztetxoak eta irakasleak. 17:30ean, Gazte Bandarekin batera Musika Eskolatik San Martin plazara kalejiran aterako dira.
Ordu berean, eskolako trikitilariak Barrenkale eta Ariznoa kaleetan barrena kalejira egingo dute eta, hauek ere, plazara gerturatuko dira.
Ondoren, hasiberrien abesbatzakoek eta akordeoi eta txistu taldeek emanaldi txiki bat egingo dute San Martin plazan eta, bukatzeko, bertan, guztientzako txokolatada egongo da. Ikasle, guraso eta irakalseendako, zein bertaratzen direnendako.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.