Apirilaren 27an eta 28an egin nahi ditu Soralucek mende erdia ospatzeko ekintza nagusiak. TU Lankide aldizkariak ematen du honen berri bere urriko zenbakian. Gaineratzen duenez, beste ekintza batzuk ere egingo ditu; tartean, liburu bat aurkeztuko du. Soraluceren helburua da kooperatibaren jendarte-masa izan dadila protagonista.
Gainera, 2012a da Nazioarteko Kooperatibismoaren Urtea.
Urteurren borobila ospatzen hasteko, ekintza batzuk egin ditu Soralucek: logotipo eta eskultura lehiaketak egin ditu.
Logotipo lehiaketa kooperatibako kideendako izan da, eta 45 lan aurkeztu ziren. Jorge Castañok irabazi zuen lehiaketa, eta iPad bat eta landetxe baten egonaldia jaso zituen sari gisa.
Eskultura lehiaketa, berriz, Javier Muro iruindarra izan zen, Retos de Futuro izeneko lanarekin. Lan horrek kooperatibaren filosofia irudikatzen du.