Ikastetxe bakoitzak bere ibilbide propioa egin ondoren, Haur Hezkuntzakoak Frontoian elkartuko dira eta gauza bera egingo dute Lehen Hezkuntzakoek San Martin plazan. Aranzadi Ikastola, Mariaren Lagundia eta San Martin ikastetxeetako ordezkariek Udaleko Gazteria eta Hezkuntza Teknikari Nagore Narbaizarekin hainbat bilera egin dituzte eta aurten, lehenbizikoz, hiru ikastetxeak batzeko akordioa egin dute.
Olentzero eta Mari Domingin bakarra
Hiru ikastetxeendako Olentzero eta Mari Domingin bakarra izango da. Txikienek bietako bat izango dute Frontoian zain eta gurasoak umeen kargu egingo dira hantxe. Bien bitartean Olentzerok edo Mari Dominginek San Martin plazan egingo die harrera Lehen Hezkuntzako neska-mutilei. Ikale guztiak plazan batzen direnean, ikuskizuna eskainiko dute Olentzerok eta Mari Dominginek.
Egun horretan txikienek, Olentzero, Alaken, Elurra teilatuan, Din dan don eta Bizar Zuri abestuko dituzte. Lehen Hezkuntzakoek, aldiz, Horra Mari Domingin, Hator, hator edota Gaueko izar prestatu beharko dituzte abenduaren 24rako.