Hasiera baten, aisialdi-gune moduan eskola 2012an zabaltzeko asmoa zeukan Udalak, baina irekiera aurreratzea erabaki dute, nahiz eta baldintzarik egokienetan ez egin. Udaleko iturrien arabera, behin zabaldu eta gero hobekuntzak egiten joango dira poliki-poliki. Izan ere, 2012ra arte itxoiteko Udalaren arrazoia horixe zen, leihoak konpondu eta bestelako lan batzuk egin behar direla.
Arratsaldez zabalik
Zabalotegiko Txiki-Txokoarekin gertatzen den moduan, arratsaldez zabalduko dute Martokoko eskola, 16:30etik 19:30era (Zabalotegin ordu erdi geroago ixten dute). Udaltzaingoak itxi eta zabalduko du lokala eta langile batek egingo du garbiketa.
Guraso eta umeendako 45 m2 inguruko bi gela daude Martokon; berogailua, komunak eta aterpetxo bat ere bai, umeen karroak uzteko egokia.