Gizonezkoetan Jou Zalakainek 70 kilotik gorakoen mailan hartu zuen parte, eta lehenengo sailkatu zen. Emaitza bera lortu zuen Andoni Mujika taldekideak, urrezko domina, baina 52 urtez azpikoen kategorian. Eta maila berean Jon Barragan bigarren sailkatu zen, zilarrezko domina. Hala, Euskadiko Txapelketan Shotokanek emakumezkoen mailan ere ordezkaritza izango du, Azkoitian 54 kilo baino gehiagoko mailan Irati Rodriguez ere podiumera igo zelako, hirugarren sailkatuta. Domekan izango dute hurrengo hitzordua, Gasteizen, 10:00etan hasita.
Joan den asteburuan Azkoitian egin zuten Gipuzkoako Karate Txapelketa, kadete, gazte eta 21 urtez azpikoen kategorian, eta txapelketak balio zuen oraingo asteburuan Gasteizen egingo duten Euskadikorako sailkatzeko. Shotokaneko hainbat karateka izan ziren txapelketan, eta euretako lau ordezkari sailkatu dira Euskadiko Txapelketarako; ez dira edozein modutan sailkatu, lau ordezkarietako bi Gipuzkoako txapeldun izan direlako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak