Partidua ez zuten batere ondo hasi; lehenengo minutuetan akats asko egin zituzten bergararrek eta zortzi gol atzetik jarri ziren segituan (3-11). Akats horiek zuzentzen saiatu zen entrenatzailea hainbat agindu emanda eta lehenengo zatia bukatzeko hiru minuturen faltan diferentzia murriztea lortu zuten (13-15).
Bigarren zatian gogotsu irten ziren, baita berdindu ere; partidua, orduan, oso zabalik zegoen. Azken bost minutuak erabakigarriak izan ziren, baina Muniategiren mutilek arrisku asko hartu eta ezinean geratu ziren: "Bizkor jokatzera ohituta dago Egia eta guk ez diegu utzi. Hala ere, akatsak egin ditugu eta ez dugu jakin errematatzen", zioen entrenatzaileak.
Hala, azken asteotan etxean irabaztera ohituta zeuden bergararrei bolada ona moztu die donostiarrek, "eta kanpoan irabaztea dute erronka" orain.
Ford Mugarrik berdindu
Ford Mugarri talde arrasatearrak, ostera, berdindu egin zuen Romoren aurka zapatu arratsaldean (29-29).
