57.230 zenbakia da bigarren saritua. Osorik saldu dute Bergaran: 10 dezimoko 10 serie. Dezimo bakoitzak 12 euro balio ditu eta bakoitzaren jabeak 25.000 euro irabazi ditu. Peñalba Administrazioak saltzen du zenbaki hori duela urte askotatik, eta han ez ezik, Azpeitxi Jatetxean ere saldu dute zenbaki hori.
Peñalba administrazioko langile Mari Carmen Herasek pozik hartu du notizia. Gaineratu du urte mordoa daramatzatela Peñalba administrazioan zenbaki hori saltzen eta orain arte inoiz ez dela saritua izan.
Bolu auzoko Azpeitxi jatetxean ere pozik daude. "Auzotar askori tokatu zaio eta euretako asko etorri da dagoeneko dezimo sarituarekin". Jatetxean 27 dezimo saldu ditugu; beste guztiak kalean saldu dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.