Paraguaiko Asunciongo Euskal Etxeak aurten editatu du liburua, eta 2006an Paraguaiko Historia Akademiaren enkarguz argitaratu zen liburuaren egokitzapen bat da atzo aurkeztu zutena. Honako honetan, Bergara, Domingo de Iralaren jaioterria XVi. mendearen hasierako urteetan nolakoa zen azaltzen du Elkoroberezibarrek; eta Iralaren beraren familiaren gaineko kontuak ere deskribatzen ditu. Hain zuzen ere, Iralak Ameriketara egin aurreko urteak dira liburuaren oinarria.
Esan bezala, Kursaleen astean egin duten Kanpoko Euskal Gizataldeen V. Mundu Batzarraren baitan egin zuten liburuaren aurkezpena, eta Miguel Angel Elkoroberezibarrek, Paraguaiko Asuncion hiriko Euskal Etxeko lehendakari Galo Egüez izan zuen lagun. Gainera, Mexikoko eta Argentinako euskal etxetako ordezkariak ere izan ziren aurkezpenean. "Interes berezia azaldu zuten Bergararekiko eta liburuarekiko euskal etxetako ordezkariok" dio Elkoroberezibarrek: "Oso gustura egon ginen, hango eta hemengo kontuak elkartrukatzen".