Besteak beste, paisaia hilak eta paisaia urbanoak jarriko ditu ikusgai margolari bergararrak. Juan Antonio Gartzia Marcos Euskalerriaren Adiskideen Elkarteko kideak egin du katalogoko hitzaurrea: "XX. mendearen erdialdean jada euskal artea gorpuztua zuten abangoardiatan sortu da Laskurain; esentzian; belaunaldi berriek baztertu duten horretan", dio.
Margarita Iglesias kazetariaren idatzia ere jasotzen da erakusketako katalogoan. Zera idatzi du arte adituak: "Laskurainen koadro askotan objektuak daude. Eta baita esanahiak ere. Horietako batzuk oso iradokitzaile eta delikatuak izan daitezke (...). Laskurainek aspalditik bere-berezko errealismo mota bat dakar; bere-berezkoa duen begiradatik sortua, edo hobeto esanda, bere-berezko arimatik sortua".
Cristales rotos VIII, Novelas II, Paisaje Urbano II, bodegoiak edo paisaia hilak (Composición bildumakoak), Alpargatas III edota Polídrico II dira ikusgai izango diren lanetako batzuk.
Aroztegiko erakusketa azaroaren 27ra arte egongo da zabalik, ohiko ordutegian.