Eguerditik hasi zuten festa. 40 lagun inguru elkartu ziren parrilladan. Ospakizunak, nola ez, patinete gainean jarraitu zuen: skate txapelketa egin zuten arratsaldean. Ikusle dezente batu ziren parkearen bueltan eta parte-hartzaileek sekulako ikuskizuna eskaini zuten.
Eta zer da ospakizun bat gaueko parranda on bat barik? Bada, parranda kontzertu indartsu batekin hasi zen. The Soulbreaker Company, Sumision City Blues eta Fiachras taldeak igo ziren taula gainera. Eguna borobila izan zen, eta argi geratu zen Laino proiektu sendo bat dela dagoeneko.