Eguerdian ekingo diote ospakizunei, parrillada batekin. 14:00etan izango da bazkaria; txartelak 10 euroren truke erosi ahal izango dira.
Arratsaldean festak jarraitu egingo du, eta, horrela, 17:00etan skate txapelketa egingo dute. Parte hartu nahi dutenek egunean bertan eman beharko dute izena; ez dago inolako baldintzarik. Lehenengo saria 300 euro da, bigarrena 150 eta hirugarrena 50. Bestalde, skate materialaz osatutako sariak ere banatuko dituzte skate truku onenak egiten dituztenen artean.
Lehiaketaren ostean, 22:00etan, antzerkia egongo da. Lagrima taldeak El pueblo izeneko antzezlana eskainiko du. Antzerkia bukatu ostean, kontzertuak izango dira: The Soulbreaker company, Sumision City Blues eta Fiachras. Talde horien emanaldien ostean, bergarako bi DJk jarriko dute musika.