2011-2012 ikasturterako eskaintza zabala gertatu du ikastetxe elkartuak, Europako Goi Mailako Hezkuntza Espaziora %100ean egokitua dagoena. Azken urteotakoaren antzerakoa izango da aurtengoa: hain justu, 26 gradu eskaintzen dituzte. Horretaz gain, gradu-ondo ofizialak, hizkuntzak ikasteko programa berezia, etengabeko formaziorako ikastaroak eta Bergaratik zuzenean antolatzen dituzten ikastaroak ere badaude.
Administrazio Publikoan lan
Berritasunen artean, aurten lehen aldiz, Administrazio Publikoetako Zientzia Juridikoak titulua eskainiko dute. Karrera berria da, eta UNED-ek bakarrik eskaintzen du. Arlo juridikoko karrera da, administrazio publikoan lan egiten duen edo nahi duen jendeari zuzenduta dago.
2.000 ikasle
Azken hamarkadan nabarmen egin du gora matrikulazio kopuruak; bereziki azken urteotan egin du kopuru horrek gora. 2010-2011 ikasturtean 2.000 lagunek eman zuten izena goi-mailako ikasketetan.