Joan zen egubakoitzean estreinatu zuten Bertsolari zinema areto komertzialetan, tartean, Arrasateko Amaia antzokian. Aurkezpenean, Asier Altuna zuzendaria eta Jon Sarasua protagonistetako bat izan ziren. "Pena da Bergaran zine aretorik ez izatea, baina esfortzu bat egin dugu bergararrek, gutxienez, Zabalotegin pelikula ikusteko aukera izan dezaten, DVDan bada ere", adierazi zuen Altunak. Hain zuzen, bera ere izango da urriaren 30ean, domekan, Zabalotegin.
Bestalde, egubakoitzean, jende dezente bertan zela, eman zen leheneko aldiz Bertsolari Amaia antzokian. Atzo ere bai, baina gaur ere izango da aukerarik. 20:30ean hasita.
Egubakoitzean Arrasaten batutakoen artean batzuen iritziak jaso dituzte gaurko Goiena paperekoan eta denak bat datoz oso film berezia dela aitortzerakoan eta asko gustatu zaiela onartzerakoan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.