Bi dira antzezlaneko protagonistak: aita bat eta bere alaba, bizitza errealean ere hala diren Juan Carlos de Petre eta Luz de Petre.
Bi aktoreek gai potoloak lantzen dituzte emanaldian, modu oso sinplean, eszenografia askorik gabe -bi banku eta maleta bat, soilik-. Jorratzen duten gaietako bat presa da; uneoro asti barik dabilen alaba eta gauzak patxadaz hartzeko aholkatzen dion aita kontrajartzen dira horrela emanaldian. Ikasteari buruz ere mintzo da lana, eta bizitzak ematen dizkigun ikaskizunez ere egiten dute berba bi protagonistek. Antzezlanak beste mezu bat ere uzten du: bizitza kaosa da.