Norgehiagoka ezin zen okerrago hasi etxeko taldearendako. Gol inuzente bat jaso zuten eta Jokin Baltzategi erdilariak futbol zelaia utzi behar izan zuen buruan hartutako kolpe latz baten ondorioz. Ospitalera eraman zuten eta buruko zauria josi egin behar izan zioten zazpi punturekin. Lehen zati osoan apenas gerturatu ziren mahoneroak tolosarren atera eta eurak, berriz, izan zituzten aukera bat edo beste 0-2koa jartzeko.
Aukera gutxi eta aterik ikusi ez
Bigarren zatian hobeto irten zen Bergara baina ez Iñigo Machok eta ez Eloy Crespok ez zituzten aukerak aprobetxatu. Gero fisikoki behera egin zuen taldeak eta 22. minutuan heldu zen Tolosaren gol olinpiarrarekin –korner guztiak oso itxiak atera zituzten– amaitu zen partidua. Azken minutuetan heldu zen 0-3koa.
Kronika osoa eta Nikasio Galan 'Neka' Bergarako entrenatzaile berriari elkarrizketa, asteleheneko Goiena paperean.