Asier Altunaren Bertsolari dokumentala urriaren 14an estreinatuko dute zinema areto komertzialetan. Aurretik, halere, Donostiako Zinemaldian aurkeztuko dute. Irailaren 16tik 24ra bitartean izango da aurten. Sail ofizialean hartuko du parte, baina lehiaketatik kanpo. Bertsolaritzaren gaineko dokumentala da Bertsolari. BECen, azkeneko Bertsolari Txapelketa Nagusian hartutako irudiak jasotzen ditu, besteak beste.
Euskaraz errodatu du Altuna bergararrak dokumentala. Maialen Lujanbio azken txapeldun nagusia eta Andoni Egaña dira protagonistetako batzuk.
Asier Altunaren Aupa Etxebeste filma ere Zinemaldian aurkeztu zuten 2005ean. Gazteen saria jaso zuen, gainera.
Bertsolari Txintxua Films-en produkzioa da eta Golem-ek banatuko du zinema komertzialetan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.