Kaxaloteak ikusmin handia sortu du Zarautzeko hondartzan eta asko dira argazkiak atera dituztenak haren ondoan.
Ertzainak eta Ambar Itsas faunaren ikerketa eta kontserbaziorako elkartekoak berehala bertaratu dira. Kaxaloteak buztanari azken astinduak eman dizkio, baina berehala hil da. Adituek uste dute kaxalote gaztea gaixo zegoela eta hondarrera etorri dela hiltzera. Kaxalotea hondarretik ateratzea da orain, helburua.
"Bergaratik deitu digute goizean, irratian entzun dutela balea dagoela Zarautzen. Bertaratu gara hondartzara eta han zen. Gu agertu garenean hil da, 09:00ak aldera. Berehala ikusi ditugu heltzen ertzainak eta Gurutze Gorrikoak".
Halaxe kontatu digu Amaia Madinabeitia bergararrak, argazkia bidali digunak. Zarautzen daude oporretan. Kaxalotea horren handia ez zaiela iruditu dio. "Espero genuen baleatzarra aurkitzea eta ez zaigu hain handia pentsatu".