Sutearen ondorioz guztiz erre da Bergarako San Juan auzoan dagoen Paotxa ostatuko etxe guztia. Ostatua bera, alboko etxea, jabeena ere zena eta bertan dagoen ermitaren teilatuaren zati bat ere erre da.
GOIENAri egindako adierazpenetan jabeak esan du bera “konbentzitzuta” dagoela nahita erre dutela eta ez dela geldituko egileekin jo arte. Ertzaintzak ikerketa zabalduko du eta jabeak konfiantza betea dauka horretan.
Goizeko lauretan hasi da sua Herrizaingo Sailak berak konfirmatu bezala eta suhiltzaileak eguerdi aldera arte izan dira bertan. Sutea pizteko motiboei buruz oraindik ez dute ezer zabaldu baina jabeak azaldutakoaren arabera argia etenda zegoen eta berak zalantzarik ez dauka nahita eragindako sua izan dela.
Paotxa ostatua dagoen eraikina 200 urtetik gorako baserria da eta orain gutxira arte bizi zen bertan, hain zuzen, jabearen ama. Jabeak berak azaldu duenez, orain hilabete eman zuen errentan ostatua eta ez du kasualitatetzat jotzen sutea. Antza, alokatu zien pertsona horiek giltzak zeuzkaten eta haiek zein ingurukoak ostatutik ibili dira azken egunetan.
Zarautzen bizi da jabea eta goizaldean jaso du Ertzainen abisua. Suhiltzaileak SOS Deiaken bidez joan dira bertara lauetan baina jabea berak kontatu digu bizilagun batek esan diola goizeko 2etan guztia lasaitasun osoan zegoela.
Saminduta eta haserre , jabeak berretsi digu "ez dela geratuko" egileak nor den jakin arte eta konfiantza osoa daukala Ertzaintzak abiatuko duen ikerketan
