Yon Gonzalez (Bergara, 1986) Aitor Luna (Los hombre de Paco, Gran Reserva) aktorearen anaia da eta hainbat urte darama Madrilen bizitzen. El internado telesailak ospe handia eman zion eta aurretik SMS telesaileko Andres pertsonaiarekin jarraitzaile ugari izan zituen, nerabeen artean nagusiki. Aipatutako SMS telesailean Amaia Salamanca aktorearekin egin zuen lan aurreneko aldiz eta orain berriro elkartu dira Antena 3ko apustu berrian. Haiekin batera, besteak beste, Concha Velasco, Adriana Ozores, Eloy Azorin eta Pedro Alonso azalduko dira.
Telesaila udazken aldera estreinatuko dute. XX. mende hasiera, Ingalaterran girotutako istorioa da. Mutil gazte bat (Yon Gonzalez) desagertutako arrebaren bila dabil, eta halako baten hotel batera joko du, hoteleko jabearen alabarekin maiteminduko delarik.
Aktore bergararrak Santiago Seguraren Torrente 4: Lethal crisis filmean ere hartu zuen parte.