Pertsona bat hil da gaur eguerdian Bergaran, GI-632 errepidean izandako auto istripu batean. Herrizaingo sailak jakitera eman duenez, bi autok elkar jo dute eta ondorioz pertsona bat hil egin da eta beste sei lagun zaurituta gertatu dira. Ertzaintzako iturrien arabera, zauritutakoek lesio arinak dituzte. Gizonezkoa emakume batekin ari zen bidaiatzen, Frantziako matrikula zuen Fiat Punto auto batean. Beste autoa (Opel Zafira bat) taxia zen eta emakume bat eta hiru gazte zihoazen taxi gidariarekin batera. Eguerdiko 12:10ak aldera gertatu da istripua, Bergaratik Zumarragarako norabidean.
Ertzaintzarekin batera, Osakidetzako bi anbulantzia eta suhiltzaileak joan behar izan dira istripua gertatu den tokira. Frantziako matrikula zuen autoko gidaria harrapatuta geratu da, baina gidaria erreanimazio ahaleginek ez dute fruiturik eman. istripuaren ondorioz, auto ilara luzeak izan dira Bergaratik Zumarragara bidean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.