Indarrak parekatuta izan ziren bariku arratsaldean Agorrosingo futbol zelaian. Ipintzako udako futbol liga zegoen jokoan, eta finalera ailegatutako La Juve eta Langosta taldeen arteko lehia estua izan zen. Parekotasun hori erakutsi zuen neurketaren azken emaitzak ere: 1-1. German izan zen Langostako golegilea: kontra-erasoan sareratu zuen baloia. La Juveren markagailua 1ean jarri zuena Alberto Dovao izan zen; kontra-erasoan egin zuen gola honek ere, falta-jaurtiketa baten ondotik. Eta hala, 1-1 emaitzarekin, penaltietara jo zuten eta hor erabaki zen finala.
Sari banaketa ekitaldia
Finala erabakita, sari banaketari ekin zioten Agorrosingo zelaian. La Juve eta Langostaren atzetik, Badulake eta Santana sailkatu ziren hirugarren eta laugarren. Jokalari onenaren saria La Juveko Ibairentzat izan zen; atezain onenarena, Langostako Contirentzat; eta gol gehien sartu dituenarena Alberto Dovaok (La Juve) eraman zuen.
Kopako txapelketako sariak ere banatu zituzten egubakoitzean: Indar Gorrik irabazi du kopa eta Mongitxarrak izan da txapeldunordea. 7-1 egin zuten finalean.
Ligako talde irabazleko jokalarien hitzak eta antolatzaileari egindako elkarrizketa, asteleheneko Goiena paperean.