Espainiarako eta Portugalerako Candy-Hoover taldearen presidentea, Francisco Javier Lizarraga, izendatu dute Anfel-eko (Espainiako Lerro Zuriko Etxetresnen Ekoizle eta Inportatzaileen Elkartea) presidente datozen bi urteotarako.
Elkarteko presidenteordea izan da Lizarraga azken bi urteotan, eta orain, Fagorreko zuzendari orokor Fabian Bilbao ordezkatuko du goreneko postuan.
Presidenteorde berria Ditmar Vierbuchen izango da, Miele-ko zuzendari orokorra.
Anfel-en 13 enpresatik gora batzen dira, merkatuaren %92 baino gehiago. Denetara, 1.800 milioi euroko ekoizpena dute, 16 ekoizpen-lantegi dituzte, eta 10.000 langile baino gehiago enplegatzen dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.