22:00etan hasiko dira gaur, San Kristobal auzoko jaiak: pinua jasoko dute ordu horretan, eta gero, saiheskia, sagardoa eta txokolatea egongo dira gerturatzen diren guztiendako. Bihar, zapatua, erromeria egongo da 23:00etan, Miren, Agur eta Gorkarekin, goizeko ordu txikiak arte.
Domekan, meza nagusia egongo da 11:00etan, eta horren ondoren, autoak bedeinkatuko dituzte. Horrekin batera, luntxa ere egongo da. Luntxa bukatu ondoren, herri kirolen erakustaldia egongo da, trikitilariek alaituta.