Orain arte egin izan duten moduan, orain ere gai jakin bat aukeratu dute antolatzaileek eta gai horren bueltan aukeratu dituzte filmak. Uztaileko gaia umorea izango da; hala, garai ezberdinetako umorezko lau film eskainiko dituzte gaztetxean.
Hasiera, Billy Wilderrek
Gaur, hilak 6, hasiko dute zine-klubeko egitaraua. Billy Wilder zuzendari ospetsuaren Un, dos, tres (1961) filma eskainiko dute. Freskagarriak saltzen dituen multinazional bateko agente komertzialaren eta komunismoaren arteko gora beherak kontatzen ditu filmak.
Eguaztenetan dira filmak
Orain arte domeketan eskaini izan dituzte filmak; uztailean, baina, data aldatzea erabaki dute. Aurrerantzean filmak eguaztenetan eskainiko dituzte, 22:30ean gaztetxeko kanpoaldeko patioan.