Aurreko egunetan hainbat gauza egin dituzte herrian Eleak ekimenak antolatuta; atzokoarekin amaitu zuten aurreneko ekintza sorta. Dozenaka batzuk lagun bildu eta irudikatu zituzten bi L horiek, txartel gorriak erakutsiz. Txartel gorria atera zieten eskubide zibil eta politikoen urraketei: egunotan Espainiako Auzitegi Nazionalean egiten ari diren Bateragune auziko epaiketa aipatu zuten, eta gogoan izan zituzten baita ere lan politikoa egiteagatik era bateko edo besteko zigorra duten herritarrak. Presoen eskubideen defentsa egiteko helburua ere badu Eleak ekimen sortu berriak.
Eleak ekimenak antolatuta bi L hizki irudikatu zituzten atzo arratsaldean Bergarako San Martin plazan. Eskubide zibil eta politikoen errespetuaren alde lanean diharduen taldeak Euskal Herri librea eta legala aldarrikatu gura izan zituen ekintza honekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak