Hain zuzen ere, Zizurkilen, Uliazpiren Fraisoro zentroan dago Jon 2008ko abendutik, eta primeran zaintzen dutela diosku familiak. Bien bitartean, Jonen hutsunea nabari dugu Bergarako kaleetan. Realeko kamisetarekin edo Barçakoarekin jantzita (izan ere, talde handiak gustuko izan ditu beti...) eta biseratxoa buruan, leku eta ekitaldi guztietara iristeko gauza zen, noizbait, kalejiraren baten ziurrenik, Bergarako Udal Musika Banda ia-ia zuzentzeraino ere.
Goienako erredakzioan ere, Bergaran, askotan izaten genuen bisitari. Edozein aitzaki erabiltzen zuen sukalderaino sartzeko eta... batez ere neskak agurtzeko. Joan den maiatzaren 29an 48 urte egin zituen Jonek. Familiakoekin eta Zizurkilgo lagunekin ospatu zuen. Zorionak, Jon!!! eta besarkada handi bat Goiena egiten dugun guztion partetik.