"Astelehenean azalduko ditugu zuzendaritza taldea osatuko dugunon izenak. Gertu nago beste lau urtez lanean jarraitzeko, baina garbi daukat azkenak izango direla". Batzar orokorrean kuoten igoera ere onartu zuten bazkideek, 5 euroko igoera bazkideendako (65 euro), eta 10 eurokoa gurasoendako (180 euro).
Zuzendaritza taldea zabaldu
Batzarrean hartu zen beste erabakietako bat zuzendaritza taldera kirol elkarteko gainontzeko sekzioak batzea izan zen: "Pilota, eskubaloia, saskibaloia... horiek Bergara Kirol Elkarte barruan egon dira beti, baina ez dute zuzendaritza taldean ordezkaritzarik izan. Hori aldatu egin dugu, eta hilero batzartu egingo gara denak, herriko kirol taldeen jarraipen hobea egiteko helburuaz".