Orain arte Hanka Labankako kideek Frantziako Le Mans zirkuituan egiten duten patinaje lasterketan –24 ordukoa– egindako sailkapen onena 206. postua izan zen, 135 itzuli eginda. Eta joan den asteburuan 13 itzuli gehiago egiteko gauza izan ziren, 102. postuan sailkatuta. Hala, euskaldunen artean bergararrak bigarren sailkatu ziren, eta guztira bederatzi talde egon ziren, Donostialdekoak, Iruñekoak, gasteiztarrak eta Iparraldetik joandako beste hiru talde.
Argazkian daude, Ion Ander Egaña, Remi Aranzabal, Joxean Iñarra, Eguzkiñe Uribesalgo, Agustin Oianguren, Teo Nogales, Kruxi Gallastegi, Lorea Juldain, Jose Luis Gallastegi, Jose Ignacio Berraondo, Ruben Oural, Gaizka Otadui eta Andoni Alberdi.