Bi ekintza mota dira Jardunek euskarazko irakurzaletasuna bultzatzeko antolatu duen astearen harira antolatu dituztenak. Horietako lehena atzo arratsaldean egin zuten: bertan, Amaia Etxeberria bergararraren eskutik, ipuin kontaketa egin zuten Agorrosineko kanpoko igerilekuan. Egiten zuen beroari aurre eginaz, ez ziren gutxi izan ipuin kontalariarengana hurbildu ziren neska mutikoak.
Aste honen barruan burutzen ari diren bigarren ekimena, Elkar megadendan erositako euskarazko liburuetan deskontuak aplikatzea da. Helduen literaturan, %50eko deskontua aplikatzen da liburuko, gazteen literaturan %30ekoa eta haurren literaturan %15ekoa.
Deskontua abonatzeko, uztailaren 8ra arteko epea
Gehienez bi liburu erosi ahalko dira pertsonako eta uztailaren 2ra arte erostiako liburuei aplikatuko zaie. Behin liburua erositakoan erosketa txartela jardunera bertara eraman behar da, orduan abonatuko zaie deskontua. Deskontuak asbonatzeko azken eguna uztailaren 8a izango da.
Maitane Arizabaleta Jardun elkarteko dinamizatzaileren esanetan, egun ohikoa da euskaraz jakin arren liburuak erderaz irakurtzea eta horri buelta eman gura zaio bai gaztetxoen eta baita helduen artean ere.