Saskibaloi kantxa erraldoiaren itxura hartu du asteburuan San Martin plazak. Bergarako Kirol Elkarteko Saskibaloi sailaren eskutik, Hirunako Soraluce saria jokatu dute han; aurtengoa, laugarren edizioa izan da.
Kategoria guztietako jokalariak aurten ere; guztira 80 talderen bueltan batutako 320 jokalari. Herriko ordezkariez gain, besteak beste, Debagoiendarrak; Urretxuarrak; Donostiarrak...
Goizeko 10etan hasi da txapelketa kadete eta jubenilen eskutik; arratsaldean senior eta senior eliteen txanda izan da. Bihar, domekan, txikienek jokatuko dute. Jokatzeko txanda heldu bitartean, jokalariak ikusle paperean sartua, horien artean baziren, gazteenaak bereziki, nagusien trikimailuak interes handiarekin ikusi eta, bide batez, ikasten ari zirenak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.