Ikasturtean ikasitakoak
Azken urteetan ohiko bilakatu den ekitaldian, ikasle eta irakasleen arteko zerbait bakarrik izan ez dadin, kontzertu dibertigarri eta berezia eskaini zuten ikasleek. Helburu nagusia da ikasturtean zehar ikasitakoak praktikan jarri eta jendaurrean jotzeko ohitura hartzea. Hala, diplomak jaso zituzten ikasleek musika lan bana jo zuten; batzuk bakarka eta beste batzuk taldeka. Akordeoia, oboea, biolina, pianoa, flauta... eta beste hainbat musika instrumentuk girotu zuten Zabalotegi. Ikasleak gustura geratu ziren, eta zer esanik ez gurasoak.
Kontzertu amaieran luncha eskaini zien Musika Eskolak hara joandako ikusleei.