Eguerdi partean jende gehien
Zapatuan 10:00etan ireki zituen ateak azokak eta lehenengo orduak lasai xamarrak izan ziren arren, eguerdi partean jende dezente hurbildu zen Seminariora.
Denetariko jendea ibili zen; batzuk bigarren eskuko autoa erosi nahi zutelako joan ziren, baina beste asko, autozaleak izanda, besterik gabe autoak ikusi nahi zituztelako gerturatu ziren. "Autoak gustatzen zaizkit eta autoekin zerikusi duen edozer gustatzen zait", zioen mutil batek auto baten ezaugarriak eta prezioa irakurtzen zituen bitartean.
Autoak ere estilo, tamaina eta prezio guztietakoak zeuden: 4x4 ibilgailuak, familiarrak, furgonetak, auto klasikoak...
Bere aukera topatu ez duenak, hirugarren azokara itxaron beharko du; egongo da-eta.