Aurtengoa, Koldo Eleizalde lehiaketen XXVI. edizioa izan da eta ia 500 lan aurkeztu dira, sei generotan banatuta: ipuin idatzia, bertsoa, komikia, ipuin kontaketa eta antzerkia, txisteak eta umorezko pasadizoak eta eskola irratsaioa. Banaka zein taldeka aurkeztu dira partaideak. Honakoa izan da parte hartzea generoka:
- Ipuin idatziak: 267
- Bertsoak: 22
- Komikiak: 97
- Ipuin-kontaketa / Antzerkia: 50
- Txisteak eta umorezko pasadizoak: 32
- Eskola irratsaioak: 19
Bergarako Udaleko euskara zerbitzuak antolatzen du lehiaketa eta balorazio ona egin dute: "Parte hartzeari dagokionez, azken urteetakoaren antzerakoa izan da, baita lanen kalitatea ere. Sari-banaketara guraso dezente etortzen dira eta pozik gaude izandako erantzunarekin".